അദ്ധ്യായം 1
അഭിവാദനം1: യേശുക്രിസ്തുവിന്റെ ദാസനും അപ്പസ്തോലനുമായ ശിമയോന്പത്രോസ്, നമ്മുടെ ദൈവത്തിന്റെയും രക്ഷകനായ യേശുക്രിസ്തുവിന്റെയും നീതിവഴി, ഞങ്ങള് സ്വീകരിച്ച വിശ്വാസംതന്നെ സ്വീകരിച്ചവര്ക്കെഴുതുന്നത്.
2: ദൈവത്തെയും നമ്മുടെ കര്ത്താവായ യേശുക്രിസ്തുവിനെയുംകുറിച്ചുള്ള പൂര്ണ്ണമായ പരിജ്ഞാനംമൂലം നിങ്ങളില് കൃപയും സമാധാനവും വര്ദ്ധിക്കട്ടെ!
ക്രൈസ്തവന്റെ വിളി
3: തന്റെ മഹത്വത്തിലേക്കും ഔന്നത്യത്തിലേക്കും നമ്മെ വിളിച്ചവനെക്കുറിച്ചുള്ള പൂര്ണ്ണമായ അറിവിലൂടെ, നമ്മുടെ ജീവിതത്തിനും ഭക്തിക്കും ആവശ്യമായവയെല്ലാം അവന്റെ ദൈവികശക്തി നമുക്കു പ്രദാനംചെയ്തിരിക്കുന്നു.
4: ദുരാശമൂലം ലോകത്തിലുണ്ടാകുന്ന വിനാശത്തില്നിന്നു രക്ഷപെട്ട്, ദൈവികസ്വഭാവത്തില് നിങ്ങള് പങ്കുകാരാകുന്നതിന്, തന്റെ മഹത്വവും ഔന്നത്യവുംവഴി അവിടുന്നു നിങ്ങള്ക്ക് അമൂല്യവും ശ്രേഷ്ഠവുമായ വാഗ്ദാനങ്ങള് നല്കിയിരിക്കുന്നു.
5: ഇക്കാരണത്താല് നിങ്ങളുടെ വിശ്വാസത്തെ സുകൃതംകൊണ്ടും സുകൃതത്തെ ജ്ഞാനംകൊണ്ടും
6: ജ്ഞാനത്തെ ആത്മസംയമനംകൊണ്ടും ആത്മസംയമനത്തെ ക്ഷമകൊണ്ടും ക്ഷമയെ ഭക്തികൊണ്ടും
7: ഭക്തിയെ സഹോദരസ്നേഹം കൊണ്ടും സഹോദരസ്നേഹത്തെ ഉപവികൊണ്ടും സമ്പൂര്ണ്ണമാക്കാന് നന്നായി ഉത്സാഹിക്കുവിന്.
8: ഇവ നിങ്ങളിലുണ്ടായിരിക്കുകയും സമൃദ്ധമാവുകയുംചെയ്താല്, നിങ്ങള് പ്രയോജനശൂന്യരും ഫലരഹിതരുമാകാതിരിക്കാന് നമ്മുടെ കര്ത്താവായ യേശുക്രിസ്തുവിനെക്കുറിച്ചുള്ള പൂര്ണ്ണമായ അറിവു സഹായിക്കും.
9: ഇവയില്ലാത്തവന് അന്ധനും ഹ്രസ്വദൃഷ്ടിയും പഴയപാപങ്ങളില്നിന്നു ശുദ്ധീകരിക്കപ്പെട്ടെന്നകാര്യം വിസ്മരിക്കുന്നവനുമാണ്.
10: ആകയാല്, സഹോദരരേ, നിങ്ങളുടെ വിളിയും തിരഞ്ഞെടുപ്പും ഉറപ്പിക്കുന്നതില് കൂടുതലുത്സാഹമുള്ളവരായിരിക്കുവിന്. ഇങ്ങനെചെയ്താല് ഒരിക്കലും നിങ്ങള് വീണുപോവുകയില്ല.
11: നമ്മുടെ കര്ത്താവും രക്ഷകനുമായ യേശുക്രിസ്തുവിന്റെ അനശ്വരമായ രാജ്യത്തിലേക്ക് അനായാസം നിങ്ങള്ക്കു പ്രവേശനം ലഭിക്കുകയും ചെയ്യും.
12: നിങ്ങള് ഇക്കാര്യങ്ങളറിയുകയും നിങ്ങള്ക്കു ലഭിച്ചിരിക്കുന്ന സത്യത്തില് ഉറച്ചുനില്ക്കുകയും ചെയ്യുന്നെങ്കിലും, അവയെക്കുറിച്ച് എപ്പോഴും നിങ്ങളെ ഞാന് ഓര്മ്മിപ്പിച്ചുകൊണ്ടിരിക്കും.
13: ഞാന് ഈ കൂടാരത്തിലായിരിക്കുന്നിടത്തോളംകാലം, ഓര്മ്മപ്പെടുത്തല്വഴി നിങ്ങളെയുണര്ത്തുന്നത്, ഉചിതമാണെന്നു കരുതുന്നു.
14: എന്തെന്നാല്, നമ്മുടെ കര്ത്താവായ യേശുക്രിസ്തു എനിക്കു വെളിപ്പെടുത്തിത്തന്നിട്ടുള്ളതുപോലെ, കൂടാരത്തില്നിന്നുള്ള എന്റെ വേര്പാടിന്റെ സമയമടുത്തിരിക്കുന്നു.
15: എന്റെ വേര്പാടിനുശേഷവും നിങ്ങളിക്കാര്യങ്ങളോര്ക്കാന്, വേണ്ടതു ഞാന്ചെയ്യും.
മഹത്വത്തിനു സാക്ഷികള്
16: നമ്മുടെ കര്ത്താവായ യേശുക്രിസ്തുവിന്റെ ശക്തിയെയും പ്രത്യാഗമനത്തെയുംകുറിച്ചു ഞങ്ങള് നിങ്ങളെയറിയിച്ചതു കൗശലപൂര്വം മെനഞ്ഞെടുത്ത കല്പിതകഥകളെ വിശ്വസിച്ചതുകൊണ്ടല്ല; ഞങ്ങള്, അവന്റെ ശക്തിപ്രാഭവത്തിന്റെ ദൃക്സാക്ഷികളായതുകൊണ്ടാണ്.
17: പിതാവായ ദൈവത്തില്നിന്നു ബഹുമാനവും മഹത്വവും അവന് സ്വീകരിച്ചു. ഇവനെന്റെ പ്രിയപുത്രന്; ഇവനില് ഞാന് പ്രസാദിച്ചിരിക്കുന്നു എന്നസ്വരം മഹിമപ്രാഭവത്തില്നിന്ന് അവന്റെയടുത്തുവരുകയും ചെയ്തു.
18: സ്വര്ഗ്ഗത്തില്നിന്നുണ്ടായ ആ സ്വരം ഞങ്ങള് കേട്ടു. എന്തെന്നാല്, ഞങ്ങളും അവന്റെകൂടെ വിശുദ്ധമലയിലുണ്ടായിരുന്നു.
19: ഇങ്ങനെ പ്രവാചകവചനത്തെപ്പറ്റി ഞങ്ങള്ക്കു കൂടുതലുറപ്പു ലഭിച്ചിരിക്കുന്നു. പ്രഭാതം പൊട്ടിവിടരുകയും പ്രഭാതനക്ഷത്രം നിങ്ങളുടെ ഹൃദയങ്ങളിലുദിക്കുകയുംചെയ്യുന്നതുവരെ, ഇരുളില് പ്രകാശിക്കുന്ന ദീപത്തെയെന്നപോലെ പ്രവാചകവചനത്തെ നിങ്ങള് ശ്രദ്ധിക്കേണ്ടതാണ്.
20: ആദ്യം നിങ്ങളിതു മനസ്സിലാക്കുവിന്: വിശുദ്ധലിഖിതത്തിലെ പ്രവചനങ്ങള് ഒന്നുംതന്നെ ആരുടെയും സ്വന്തമായവ്യാഖ്യാനത്തിനുള്ളതല്ല.
21: എന്തുകൊണ്ടെന്നാല്, പ്രവചനങ്ങള് ഒരിക്കലും മാനുഷികചോദനയാല് രൂപംകൊണ്ടതല്ല; പരിശുദ്ധാത്മാവിനാല് പ്രചോദിതരായി ദൈവത്തിന്റെ മനുഷ്യര് സംസാരിച്ചവയാണ്.
അദ്ധ്യായം 2
1: ഇസ്രായേല്ജനങ്ങള്ക്കിടയില് വ്യാജപ്രവാചകന്മാരുണ്ടായിരുന്നു. അതുപോലെ, തങ്ങളുടെമേല് ശീഘ്രനാശംവരുത്തിവയ്ക്കുന്ന വ്യാജോപദേഷ്ടാക്കള് നിങ്ങളുടെയിടയിലുമുണ്ടാകും. അവര് വിനാശകരമായ അഭിപ്രായങ്ങള്, രഹസ്യത്തില് പഠിപ്പിക്കുകയും തങ്ങളെ വിലകൊടുത്തുവാങ്ങിയ നാഥനെപ്പോലും നിഷേധിക്കുകയുംചെയ്യും.
2: പലരും അവരുടെ ദുഷിച്ചമാര്ഗ്ഗത്തെയനുഗമിക്കും. അങ്ങനെ അവര്മൂലം സത്യത്തിന്റെ മാര്ഗ്ഗം നിന്ദിക്കപ്പെടും.
3: അത്യാഗ്രഹംകാരണം, വ്യാജംപറഞ്ഞു നിങ്ങളെയവര് ചൂഷണംചെയ്യും. നേരത്തെതന്നെ നിശ്ചയിക്കപ്പെട്ടിരിക്കുന്ന അവരുടെ ശിക്ഷാവിധിക്കു കാലവിളംബം വരുകയില്ല. വിനാശം കണ്ണുതുറന്ന്, അവരെ കാത്തിരിക്കുകയുംചെയ്യുന്നു.
4: പാപംചെയ്ത ദൂതന്മാരെ ദൈവം വെറുതേവിട്ടില്ല. വിധിദിനംവരെ സൂക്ഷിക്കുന്നതിനായി അവരെ അവിടുന്നു നരകത്തിലെ ഇരുള്ക്കുഴികളിലേക്കു തള്ളിവിട്ടു.
5: ദുഷ്ടരുടെമേല് ജലപ്രളയമയച്ചപ്പോള് പഴയ ലോകത്തോട് അവിടുന്നു കാരുണ്യംകാണിച്ചില്ല. എന്നാല്, നീതിയുടെ മുന്നോടിയായ നോഹയെ മറ്റ് ഏഴുപേരോടുകൂടെ അവിടുന്നു കാത്തുരക്ഷിച്ചു.
6: സോദോം, ഗൊമോറാ നഗരങ്ങളെ ചാമ്പലാക്കിക്കൊണ്ട്, അവിടുന്ന്, അവയിലെ ജനങ്ങളെ ശിക്ഷിച്ചു. അങ്ങനെ ദൈവഭയമില്ലാതെ ജീവിക്കാനിരിക്കുന്നവര്ക്ക് അവിടുന്നൊരു ഗുണപാഠം നല്കി.
7: ദുഷ്ടരുടെ ദുര്വൃത്തിമൂലം, വളരെ വേദനസഹിച്ച, നീതിമാനായ ലോത്തിനെ അവിടുന്ന് അവരുടെയിടയില്നിന്നു രക്ഷിച്ചു.
8: അവരുടെമദ്ധ്യേ ജീവിച്ച ആ നീതിമാന്, അവരുടെ ദുഷ്പ്രവൃത്തികള് അനുദിനം കാണുകയും കേള്ക്കുകയും ചെയ്തു. അതവന്റെ നീതിബോധമുള്ള മനസ്സിനെ പീഡിപ്പിച്ചു.
9: ദൈവഭയമുള്ളവരെ പരീക്ഷകളില്നിന്ന് എങ്ങനെ രക്ഷിക്കണമെന്നും അനീതി പ്രവര്ത്തിക്കുന്നവരെ വിധിദിനംവരെ എങ്ങനെ ശിക്ഷാവിധേയരാക്കി സൂക്ഷിക്കണമെന്നും കര്ത്താവറിയുന്നു-
10: പ്രത്യേകിച്ച്, മ്ലേച്ഛമായ അഭിലാഷങ്ങള്ക്കടിമപ്പെടുന്നവരെയും അധികാരത്തെ നിന്ദിക്കുന്നവരെയും. മഹിമയണിഞ്ഞവരെ ദുഷിക്കാന്പോലും മടിക്കാത്തവരാണവര്.
11: ബലത്തിലും ശക്തിയിലും അവരെക്കാള് വലിയവരായ ദൂതന്മാര്പോലും, കര്ത്താവിന്റെ സന്നിധിയില് അവര്ക്കെതിരായി അവമാനകരമായ വിധിപറയുന്നില്ല.
12: കൊല്ലപ്പെടുന്നതിനുമാത്രമായി സൃഷ്ടിക്കപ്പെട്ട, സഹജവാസനയാല് നയിക്കപ്പെടുന്ന, വിശേഷബുദ്ധിയില്ലാത്ത മൃഗങ്ങളെപ്പോലെയാണവര്. തങ്ങള്ക്കജ്ഞാതമായ കാര്യങ്ങളെക്കുറിച്ച്, അവര് ദൂഷണംപറയുന്നു. മൃഗങ്ങളുടെ നാശംതന്നെ അവര്ക്കും വന്നുകൂടും.
4: പാപംചെയ്ത ദൂതന്മാരെ ദൈവം വെറുതേവിട്ടില്ല. വിധിദിനംവരെ സൂക്ഷിക്കുന്നതിനായി അവരെ അവിടുന്നു നരകത്തിലെ ഇരുള്ക്കുഴികളിലേക്കു തള്ളിവിട്ടു.
5: ദുഷ്ടരുടെമേല് ജലപ്രളയമയച്ചപ്പോള് പഴയ ലോകത്തോട് അവിടുന്നു കാരുണ്യംകാണിച്ചില്ല. എന്നാല്, നീതിയുടെ മുന്നോടിയായ നോഹയെ മറ്റ് ഏഴുപേരോടുകൂടെ അവിടുന്നു കാത്തുരക്ഷിച്ചു.
6: സോദോം, ഗൊമോറാ നഗരങ്ങളെ ചാമ്പലാക്കിക്കൊണ്ട്, അവിടുന്ന്, അവയിലെ ജനങ്ങളെ ശിക്ഷിച്ചു. അങ്ങനെ ദൈവഭയമില്ലാതെ ജീവിക്കാനിരിക്കുന്നവര്ക്ക് അവിടുന്നൊരു ഗുണപാഠം നല്കി.
7: ദുഷ്ടരുടെ ദുര്വൃത്തിമൂലം, വളരെ വേദനസഹിച്ച, നീതിമാനായ ലോത്തിനെ അവിടുന്ന് അവരുടെയിടയില്നിന്നു രക്ഷിച്ചു.
8: അവരുടെമദ്ധ്യേ ജീവിച്ച ആ നീതിമാന്, അവരുടെ ദുഷ്പ്രവൃത്തികള് അനുദിനം കാണുകയും കേള്ക്കുകയും ചെയ്തു. അതവന്റെ നീതിബോധമുള്ള മനസ്സിനെ പീഡിപ്പിച്ചു.
9: ദൈവഭയമുള്ളവരെ പരീക്ഷകളില്നിന്ന് എങ്ങനെ രക്ഷിക്കണമെന്നും അനീതി പ്രവര്ത്തിക്കുന്നവരെ വിധിദിനംവരെ എങ്ങനെ ശിക്ഷാവിധേയരാക്കി സൂക്ഷിക്കണമെന്നും കര്ത്താവറിയുന്നു-
10: പ്രത്യേകിച്ച്, മ്ലേച്ഛമായ അഭിലാഷങ്ങള്ക്കടിമപ്പെടുന്നവരെയും അധികാരത്തെ നിന്ദിക്കുന്നവരെയും. മഹിമയണിഞ്ഞവരെ ദുഷിക്കാന്പോലും മടിക്കാത്തവരാണവര്.
11: ബലത്തിലും ശക്തിയിലും അവരെക്കാള് വലിയവരായ ദൂതന്മാര്പോലും, കര്ത്താവിന്റെ സന്നിധിയില് അവര്ക്കെതിരായി അവമാനകരമായ വിധിപറയുന്നില്ല.
12: കൊല്ലപ്പെടുന്നതിനുമാത്രമായി സൃഷ്ടിക്കപ്പെട്ട, സഹജവാസനയാല് നയിക്കപ്പെടുന്ന, വിശേഷബുദ്ധിയില്ലാത്ത മൃഗങ്ങളെപ്പോലെയാണവര്. തങ്ങള്ക്കജ്ഞാതമായ കാര്യങ്ങളെക്കുറിച്ച്, അവര് ദൂഷണംപറയുന്നു. മൃഗങ്ങളുടെ നാശംതന്നെ അവര്ക്കും വന്നുകൂടും.
13: അവര്ക്കു തിന്മയ്ക്കു തിന്മ പ്രതിഫലമായി ലഭിക്കും. പട്ടാപ്പകല് മദിരോത്സവത്തില് മുഴുകുന്നത് അവര് ആനന്ദപ്രദമായെണ്ണുന്നു. നിങ്ങളോടൊത്തു ഭക്ഷണംകഴിക്കുമ്പോള്, അവര് കുടിച്ചുമദിച്ചുകൊണ്ടു വഞ്ചനപ്രവര്ത്തിക്കുന്നു. അവര് കളങ്കവും വൈകല്യവുംനിറഞ്ഞവരാണ്.
14: വ്യഭിചാരാസക്തിനിറഞ്ഞതും പാപത്തില്നിന്നു വിരമിക്കാത്തതുമാണ് അവരുടെ കണ്ണുകള്. അവര് ചഞ്ചലമനസ്കരെ വശീകരിക്കുന്നു. അവര് അത്യാഗ്രഹത്തില് തഴക്കംനേടിയ ഹൃദയമുള്ളവരും ശാപത്തിന്റെ സന്തതികളുമാണ്.
15: നേര്വഴിയില്നിന്നു മാറി, അവര് തിന്മചെയ്തു. ബേവോറിന്റെ പുത്രനായ ബാലാമിന്റെ മാര്ഗ്ഗമാണ് അവര് പിന്തുടര്ന്നത്. അവനാകട്ടെ, തിന്മയുടെ പ്രതിഫലത്തെ സ്നേഹിച്ചവനാണ്.
16: അവന്റെ തെറ്റിനുള്ള ശാസനം അവനു ലഭിച്ചു. ഒരു ഊമക്കഴുത മനുഷ്യസ്വരത്തില് സംസാരിച്ചുകൊണ്ട്, ആ പ്രവാചകന്റെ ഭ്രാന്തിനറുതിവരുത്തി.
17: അവര് വെള്ളമില്ലാത്ത അരുവികളും കൊടുങ്കാറ്റിനാല് തുരത്തപ്പെടുന്ന മൂടല്മഞ്ഞുമാണ്. അവര്ക്കായി അന്ധകാരത്തിന്റെ അധോലോകം കരുതിവയ്ക്കപ്പെട്ടിരിക്കുന്നു.
18: എന്തെന്നാല്, തെറ്റില് ജീവിക്കുന്നവരില്നിന്നു കഷ്ടിച്ചു രക്ഷപ്രാപിച്ചവരെ, വ്യര്ത്ഥമായ വാഗ്ദ്ധോരണികൊണ്ടു വിഷയാസക്തമായ ദുര്വിചാരങ്ങളിലേക്ക് അവര് പ്രലോഭിപ്പിക്കുന്നു.
19: മറ്റുള്ളവര്ക്കു സ്വാതന്ത്ര്യം വാഗ്ദാനംചെയ്യുന്ന അവര്തന്നെ, നാശത്തിന്റെ അടിമകളാണ്. കാരണം, ഏതിനാല് ഒരുവന് തോല്പിക്കപ്പെടുന്നുവോ അതിന്റെ അടിമയാണവന്.
20: നമ്മുടെ കര്ത്താവും രക്ഷകനുമായ യേശുക്രിസ്തുവിനെക്കുറിച്ചുള്ള അറിവുമൂലം അവര് ലോകത്തിന്റെ മാലിന്യങ്ങളില്നിന്നു രക്ഷപ്രാപിച്ചതിനുശേഷം, വീണ്ടുമവയില് കുരുങ്ങുകയും അവയാല് തോല്പിക്കപ്പെടുകയും ചെയ്യുന്നെങ്കില്, അവരുടെ അന്ത്യസ്ഥിതി ആദ്യത്തേതിനെക്കാള് മോശമായിരിക്കും.
21: കാരണം, തങ്ങള്ക്കുലഭിച്ച വിശുദ്ധകല്പനയെക്കുറിച്ചറിഞ്ഞിട്ട്, അതില്നിന്നു പിന്മാറുന്നതിനെക്കാള് അവര്ക്കു നല്ലത്, നീതിയുടെ വഴിയെക്കുറിച്ച് അറിയാതിരിക്കുകയായിരുന്നു.
22: നായ് ഛര്ദിച്ചതുതന്നെ വീണ്ടും ഭക്ഷിക്കുന്നു. കുളിച്ച പന്നി, ചെളിക്കുണ്ടില് വീണ്ടുമുരുളുന്നു എന്ന പഴമൊഴി അവരെ സംബന്ധിച്ചു ശരിയാണ്.
14: വ്യഭിചാരാസക്തിനിറഞ്ഞതും പാപത്തില്നിന്നു വിരമിക്കാത്തതുമാണ് അവരുടെ കണ്ണുകള്. അവര് ചഞ്ചലമനസ്കരെ വശീകരിക്കുന്നു. അവര് അത്യാഗ്രഹത്തില് തഴക്കംനേടിയ ഹൃദയമുള്ളവരും ശാപത്തിന്റെ സന്തതികളുമാണ്.
15: നേര്വഴിയില്നിന്നു മാറി, അവര് തിന്മചെയ്തു. ബേവോറിന്റെ പുത്രനായ ബാലാമിന്റെ മാര്ഗ്ഗമാണ് അവര് പിന്തുടര്ന്നത്. അവനാകട്ടെ, തിന്മയുടെ പ്രതിഫലത്തെ സ്നേഹിച്ചവനാണ്.
16: അവന്റെ തെറ്റിനുള്ള ശാസനം അവനു ലഭിച്ചു. ഒരു ഊമക്കഴുത മനുഷ്യസ്വരത്തില് സംസാരിച്ചുകൊണ്ട്, ആ പ്രവാചകന്റെ ഭ്രാന്തിനറുതിവരുത്തി.
17: അവര് വെള്ളമില്ലാത്ത അരുവികളും കൊടുങ്കാറ്റിനാല് തുരത്തപ്പെടുന്ന മൂടല്മഞ്ഞുമാണ്. അവര്ക്കായി അന്ധകാരത്തിന്റെ അധോലോകം കരുതിവയ്ക്കപ്പെട്ടിരിക്കുന്നു.
18: എന്തെന്നാല്, തെറ്റില് ജീവിക്കുന്നവരില്നിന്നു കഷ്ടിച്ചു രക്ഷപ്രാപിച്ചവരെ, വ്യര്ത്ഥമായ വാഗ്ദ്ധോരണികൊണ്ടു വിഷയാസക്തമായ ദുര്വിചാരങ്ങളിലേക്ക് അവര് പ്രലോഭിപ്പിക്കുന്നു.
19: മറ്റുള്ളവര്ക്കു സ്വാതന്ത്ര്യം വാഗ്ദാനംചെയ്യുന്ന അവര്തന്നെ, നാശത്തിന്റെ അടിമകളാണ്. കാരണം, ഏതിനാല് ഒരുവന് തോല്പിക്കപ്പെടുന്നുവോ അതിന്റെ അടിമയാണവന്.
20: നമ്മുടെ കര്ത്താവും രക്ഷകനുമായ യേശുക്രിസ്തുവിനെക്കുറിച്ചുള്ള അറിവുമൂലം അവര് ലോകത്തിന്റെ മാലിന്യങ്ങളില്നിന്നു രക്ഷപ്രാപിച്ചതിനുശേഷം, വീണ്ടുമവയില് കുരുങ്ങുകയും അവയാല് തോല്പിക്കപ്പെടുകയും ചെയ്യുന്നെങ്കില്, അവരുടെ അന്ത്യസ്ഥിതി ആദ്യത്തേതിനെക്കാള് മോശമായിരിക്കും.
21: കാരണം, തങ്ങള്ക്കുലഭിച്ച വിശുദ്ധകല്പനയെക്കുറിച്ചറിഞ്ഞിട്ട്, അതില്നിന്നു പിന്മാറുന്നതിനെക്കാള് അവര്ക്കു നല്ലത്, നീതിയുടെ വഴിയെക്കുറിച്ച് അറിയാതിരിക്കുകയായിരുന്നു.
22: നായ് ഛര്ദിച്ചതുതന്നെ വീണ്ടും ഭക്ഷിക്കുന്നു. കുളിച്ച പന്നി, ചെളിക്കുണ്ടില് വീണ്ടുമുരുളുന്നു എന്ന പഴമൊഴി അവരെ സംബന്ധിച്ചു ശരിയാണ്.
അദ്ധ്യായം 3
കര്ത്താവിന്റെ പ്രത്യാഗമനം
1: പ്രിയപ്പെട്ടവരേ, ഞാന് നിങ്ങള്ക്കെഴുതുന്ന രണ്ടാമത്തെ ലേഖനമാണല്ലോ ഇത്. ഈ രണ്ടു ലേഖനങ്ങളിലും ചില കാര്യങ്ങള് ഓര്മ്മിപ്പിച്ചുകൊണ്ടു നിങ്ങളുടെ നിഷ്കളങ്കമനസ്സിനെ, ഞാനുണര്ത്തുകയാണ്.
2: വിശുദ്ധപ്രവാചകന്മാരുടെ വചനങ്ങളും നിങ്ങളുടെ അപ്പസ്തോലന്മാര്വഴി നിങ്ങള്ക്കു ലഭിച്ചിരിക്കുന്ന കര്ത്താവായ രക്ഷകന്റെ കല്പനയും നിങ്ങളനുസ്മരിക്കുവിന്.
3: ആദ്യംതന്നെ നിങ്ങളിതു മനസ്സിലാക്കണം: അധമവികാരങ്ങള്ക്കടിമപ്പെട്ടു ജീവിക്കുന്ന നിന്ദകര്, നിങ്ങളെ പരിഹസിച്ചുകൊണ്ട്, അവസാനനാളുകളില് പ്രത്യക്ഷപ്പെടും.
4: അവര് പറയും: അവന്റെ പ്രത്യാഗമനത്തെക്കുറിച്ചുള്ള വാഗ്ദാനമെവിടെ? എന്തെന്നാല്, പിതാക്കന്മാര് നിദ്രപ്രാപിച്ചനാള്മുതല് സകലകാര്യങ്ങളും സൃഷ്ടിയുടെ ആരംഭത്തിലുണ്ടായിരുന്ന സ്ഥിതിയില്തന്നെ തുടരുന്നല്ലോ.
5: ദൈവത്തിന്റെ വചനത്താല് ആകാശം പണ്ടുതന്നെയുണ്ടായെന്നും
6: ഭൂമി വെള്ളത്തിലും വെള്ളത്താലും ഉറപ്പിക്കപ്പെട്ടിരിക്കുന്നുവെന്നും അന്നത്തെ ആ ലോകം വെള്ളത്താല് നശിച്ചുവെന്നുമുള്ള വസ്തുതകള് അവര് വിസ്മരിക്കുന്നു.
7: വിധിയുടെയും ദുഷ്ടമനുഷ്യരുടെ നാശത്തിന്റെയും ദിനത്തില്, അഗ്നിക്കിരയാകേണ്ടതിന്, ഇപ്പോഴുള്ള ആകാശവും ഭൂമിയും അതേ വചനത്താല്ത്തന്നെ സൂക്ഷിക്കപ്പെടുന്നു.
8: പ്രിയപ്പെട്ടവരേ, കര്ത്താവിന്റെ മുമ്പില് ഒരു ദിവസം ആയിരം വര്ഷങ്ങള്പോലെയും ആയിരം വര്ഷങ്ങള് ഒരു ദിവസംപോലെയുമാണെന്ന കാര്യം നിങ്ങള് വിസ്മരിക്കരുത്.
9: കാലവിളംബത്തെക്കുറിച്ചു ചിലര് വിചാരിക്കുന്നതുപോലെ, കര്ത്താവു തന്റെ വാഗ്ദാനങ്ങള്പാലിക്കുന്നതില് താമസംവരുത്തുന്നില്ല. ആരും നശിച്ചുപോകാതെ എല്ലാവരും അനുതപിക്കണമെന്ന് അവിടുന്നാഗ്രഹിക്കുന്നതുകൊണ്ട്, നിങ്ങളോടു ദീര്ഘക്ഷമ കാണിക്കുന്നുവെന്നേയുള്ളൂ.
10: കര്ത്താവിന്റെ ദിനം കള്ളനെപ്പോലെ വരും. അപ്പോള് ആകാശം വലിയശബ്ദത്തോടെ അപ്രത്യക്ഷമാകും. മൂലപദാര്ത്ഥങ്ങള് എരിഞ്ഞുചാമ്പലാകും. ഭൂമിയും അതിലുള്ള സമസ്തവും കത്തിനശിക്കും.
11: ഇവയെല്ലാം നശ്വരമാകയാല് വിശുദ്ധിയോടും ദൈവഭക്തിയോടുംകൂടെ ജീവിക്കുന്നതില് നിങ്ങളെത്ര ശുഷ്കാന്തിയുള്ളവരായിരിക്കണം!
12: ആകാശം തീയില് വെന്തുനശിക്കുകയും മൂലപദാര്ത്ഥങ്ങള് വെന്തുരുകുകയുംചെയ്യുന്ന, ദൈവത്തിന്റെ ആഗമനദിനത്തെ പ്രതീക്ഷിക്കുകയും ത്വരിതപ്പെടുത്തുകയുംചെയ്യുവിന്.
13: നീതി നിവസിക്കുന്ന പുതിയ ആകാശവും പുതിയ ഭൂമിയും അവിടുത്തെ വാഗ്ദാനപ്രകാരം നാം കാത്തിരിക്കുന്നു.
14: ആകയാല് പ്രിയപ്പെട്ടവരേ, ഇവ പ്രതീക്ഷിച്ചുകൊണ്ട് കളങ്കവും കറയുമില്ലാതെ, സമാധാനത്തില് കഴിയുന്നവരായി നിങ്ങള് അവനു കാണപ്പെടാന്വേണ്ടി ഉത്സാഹിക്കുവിന്.
15: നമ്മുടെ കര്ത്താവിന്റെ ദീര്ഘക്ഷമ, രക്ഷാകരമാണെന്നു കരുതിക്കൊള്ളുവിന്. നമ്മുടെ പ്രിയപ്പെട്ട സഹോദരനായ പൗലോസ്, തനിക്കു ലഭിച്ച ജ്ഞാനമനുസരിച്ച്, ഇക്കാര്യംതന്നെ നിങ്ങള്ക്കെഴുതിയിട്ടുണ്ടല്ലോ.
16: ഈ വിഷയത്തെക്കുറിച്ചു പറയുമ്പോഴെല്ലാം, ഇങ്ങനെതന്നെയാണ് എല്ലാലേഖനങ്ങളിലും അവനെഴുതിയിരിക്കുന്നത്. മനസ്സിലാക്കാന് വിഷമമുള്ള ചില കാര്യങ്ങള് അവയിലുണ്ട്. അറിവില്ലാത്തവരും ചഞ്ചലമനസ്കരുമായ ചിലര്, മറ്റു വിശുദ്ധലിഖിതങ്ങളെപ്പോലെ അവയെയും തങ്ങളുടെ നാശത്തിനായി വളച്ചൊടിക്കുന്നു.
17: ആകയാല് പ്രിയപ്പെട്ടവരേ, ഇക്കാര്യം മുന്കൂട്ടിയറിഞ്ഞുകൊണ്ട്, ദുഷ്ടരുടെ തെറ്റിനെ അനുകരിച്ചു നിങ്ങള് സ്ഥൈര്യം നഷ്ടപ്പെടുത്താതിരിക്കാന് ശ്രദ്ധിക്കുവിന്.
18: നമ്മുടെ കര്ത്താവും രക്ഷകനുമായ യേശുക്രിസ്തുവിന്റെ കൃപയിലും അവനെക്കുറിച്ചുള്ള അറിവിലും നിങ്ങള് വളരുവിന്. അവന് ഇപ്പോഴുമെന്നേയ്ക്കും മഹത്വമുണ്ടായിരിക്കട്ടെ! ആമേന്.
15: നമ്മുടെ കര്ത്താവിന്റെ ദീര്ഘക്ഷമ, രക്ഷാകരമാണെന്നു കരുതിക്കൊള്ളുവിന്. നമ്മുടെ പ്രിയപ്പെട്ട സഹോദരനായ പൗലോസ്, തനിക്കു ലഭിച്ച ജ്ഞാനമനുസരിച്ച്, ഇക്കാര്യംതന്നെ നിങ്ങള്ക്കെഴുതിയിട്ടുണ്ടല്ലോ.
16: ഈ വിഷയത്തെക്കുറിച്ചു പറയുമ്പോഴെല്ലാം, ഇങ്ങനെതന്നെയാണ് എല്ലാലേഖനങ്ങളിലും അവനെഴുതിയിരിക്കുന്നത്. മനസ്സിലാക്കാന് വിഷമമുള്ള ചില കാര്യങ്ങള് അവയിലുണ്ട്. അറിവില്ലാത്തവരും ചഞ്ചലമനസ്കരുമായ ചിലര്, മറ്റു വിശുദ്ധലിഖിതങ്ങളെപ്പോലെ അവയെയും തങ്ങളുടെ നാശത്തിനായി വളച്ചൊടിക്കുന്നു.
17: ആകയാല് പ്രിയപ്പെട്ടവരേ, ഇക്കാര്യം മുന്കൂട്ടിയറിഞ്ഞുകൊണ്ട്, ദുഷ്ടരുടെ തെറ്റിനെ അനുകരിച്ചു നിങ്ങള് സ്ഥൈര്യം നഷ്ടപ്പെടുത്താതിരിക്കാന് ശ്രദ്ധിക്കുവിന്.
18: നമ്മുടെ കര്ത്താവും രക്ഷകനുമായ യേശുക്രിസ്തുവിന്റെ കൃപയിലും അവനെക്കുറിച്ചുള്ള അറിവിലും നിങ്ങള് വളരുവിന്. അവന് ഇപ്പോഴുമെന്നേയ്ക്കും മഹത്വമുണ്ടായിരിക്കട്ടെ! ആമേന്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ